"Toshkent irrigatsiya va qishloq xo'jaligini mexanizatsiyalash muhandislari instituti" Milliy  tadqiqot universiteti 3-Talabalar turar joyi “Iqtisod”, “Energetika” fakultetlari talaba yoshlari bilan  universitet psixologi M.K.Muhammedova, “Buxgalteriya hisobi va audit” kafedrasi dotsenti, iqtisod fanlari nomzodi Sh.Hojimuhammedova va 4- Talabalar turar joyi tarbiyachi-pedagogi Z.Muxrumboyevalar ikki mavzu doirasida  “Qadrdon ustozning hayot saboqlari”, “Pantomima san'ati – kreativlikni rivojlantirish texnikasi” mavzularida tadbir tashkil etdilar. Ushbu tadbir talaba yoshlarda o'z kasbiga mehr – muhabbat hissini kuchaytirish; Kreativ fikrlash doirasini kengaytirish, tasavvurlarga boy tafakkurni shakllantirish, hayotning badiiy nozik jihatlariga e'tiborni rivojlantirish, ijodiy tasavvurni, dunyoqarashni kengaytirish maqsadida tashkil etildi.

Tadbirni universitet psixologi M.K.Muhammedova o'z kirish so'zi bilan ochib, so'z navbatini “Buxgalteriya hisobi va audit” kafedrasi dotsenti, iqtisod fanlari nomzodi Sh.Hojimuhammedovaga berdi.   Sh.Hojimuhammedova talaba yoshlarga o'z kasblariga nisbatan mehr – muhabbatni shakllantirish, o'z kasbining ustasi bo'lishning sir asrorlaridan saboq berib o'tdi. Shundan so'ng ikkinchi mavzu doirasida davra suhbati davom ettirildi. Tadbir davomida pantomimimik harakatlar asosida o'yin va trening mashg'ulotlari o'tkazildi. Mashg'ulotda barcha talabalar faol qatnashib, o'zlari uchun manfaatli bo'lgan bilimlarga ega bo'lishgan holda tadbir yakuniga yetdi.

Universitet psixologi M.K. Muhammedova axboroti

TIQXMMI MTU matbuot xizmati