20 dekabr kuni 6 – ma'ruzalar zalida QSXET fakulteti 1 – kurs talabalarini universitet  psixologi faoliyati bilan tanishtirish va targ'ibot qilish maqsadida uchrashuv tashkil etildi. Uchrashuvni QSXET fakulteti yoshlar bilan ishlash bo'yicha dekan muovini  A. Mutalov o'z kirish so'zi bilan ochib, so'z navbatini universitet psixologiga berdi. Universitet psixologi Muhayyo Kamolxonovna Muxamedova talabalarga “Universitet psixologining faoliyati” mavzusida taqdimot qildi va psixolog mutaxassisining boshqa mutaxassisliklardan farqi haqida talabalarga ma'lumot berdi. Shu bilan birga universitet psixologining universitetda olib boradigan faoliyati turlari bilan tanishtirib o'tdi.

 Uchrashuv davomida hayotiy hikoyalar asosida psixolog faoliyati qirralari ochib berildi. Tadbirda psixologning inson hayotidagi tutgan o'rni haqida QSXET fakulteti yoshlar bilan ishlash bo'yicha dekan muovini A. Mutalov va QSXET fakulteti tyutori Z. Nuraliyevalar o'z fikrlarini bildirib o'tishdi. Yig'ilish so'ngida talabalar universitet psixologidan o'zlarini qiziqtirgan savollarga javoblar olishdi. “Universitet psixologi faoliyati” to'g'risidagi varaqalar tarqatildi va qizg'in tarzda tadbir o'z yakuniga yetdi.    

Universitet psixologi M.K. Muxamedova axboroti

TIQXMMI MTUmatbuot xizmati