Joriy yilning 28 - aprel kuni YeRB fakulteti 103-guruh talaba yoshlari bilan universitet psixologi M.K. Muxamedova va YeRB fakulteti tyutori S. Ibragimovalar talabalarning o'quv motivlari, shaxsiy  yo'nalganliklari, qadriyatlar tizimlarini o'rganish va ularga tarbiyaviy ta'sir o'tkazish maqsadida “El netib topgay menikim, men o'zimni topmasam” mavzusida trening tashkil etishdi.

Tadbir davomida inson o'zini anglab yetishi – uning shaxs sifatida shakllanishi va rivojlanishining asosiy shartlari bo'lib hisoblanishi haqida fikrlar yuritildi. Insonning shaxs sifatida shakllanishida: gigiyena, kun tartibi, kitob o'qishning o'rni haqida so'z yuritildi. Tadbir bahs munozara shaklida o'tkazildi. Tadbir davomida talabalarda o'zlariga bo'lgan ishonchni shakllantirishga mo'ljallangan “Mening ijobiy xususiyatlarim” mashg'uloti, “O'zingni angla” testi o'tkazildi va interpretatsiya qilindi.

Tadbirda barcha talabalar faol ishtirok etishdi va keyingi tadbir “Inson xarakteri xususiyatlari” mavzusida tashkil etilishi taklifini berishdi. Tadbir ko'tarinki kayfiyatda o'z nihoyasiga yetdi.

Universitet psixologi M.K. Muxamedova axboroti

 TIQXMMI MTU matbuot xizmati