Bugun 26 may kuni Toshkent shahridagi “O’zekspomarkaz” Milliy ko’rgazmalar majmuasida “Qishloq xo’jaligi texnikalari” ko’rgazmasi bo’lib o’tmoqda. O’zbekistonda o’tkazilayotgan mazkur keng ko’lamli tadbir tashkilotchilari – O’zbekiston Respublikasi Investisiyalar va tashqi savdo vazirligi hamda Rossiya Federasiyasi Sanoat va savdo vazirligidir. O’zbekiston, Rossiya, Turkiya, Fransiya, Germaniya, Chexiya, Yaponiya, Ozarbayjon, Belarus, Qozog’iston, Qirg’iziston, Armaniston va boshqa mamlakatlar hukumat va ishbilarmon doiralari delegasiyalari qatnashayotgan ushbu tadbirda bugungi kundagi eng zamonaviy texnologiyalar, qishloq va suv xo’jalik texnikalari va mahsulotlari namoyish etilmoqda.

Yangi texnika va elektrotexnik jihozlar bilan tanishish maqsadida “Qishloq va suv xo’jaligi energiya ta’minoti” fakulteti, “Elektrotexnologiyalar va elektr jihozlaridan foydalanish” kafedrasi dosentlari A.Boqiyev va  O’.Xaliqnazarovlar boshchiligida bir guruh talaba - yoshlar bilan 5+1 doirasida ko’rgazmaga tashrif buyurishdi.

Talabalar ko’rgazmaning asosiy bo’limlari orasida qishloq xo’jaligi va energetika, shuningdek, elektrotexnika sanoatlari texnikalari bilan tanishib, o’zlarini  qiziqtirgan savollariga mutaxassislardan  yetarlicha javoblar olishdi.

  Elektrotexnologiyalar va elektr jihozlaridan foydalanish kafedrasi dosenti O’.Xaliqnazarov axboroti

Universitet matbuot xizmati