Joriy yilning 29 - noyabr kuni О‘zbekiston davlat san’at va madaniyat institutining   Kutubxona-axborot faoliyati fakulteti 1- va 3- kurs talabalari "Kutubxonashunoslik" kafedrasi o`qituvchisi Abduganiyeva Zebiniso Melikovna boshchiligida TIQXMMI Milliy tadqiqot universitetining yangi vа zamonaviy Axborot - resurs markazi faoliyati bilan tanishish maqsadida tashrif buyurdilar. Tashrif chog`ida, ARM raxbariyati hamda mutaxassislari hamroxligida talabalar kutubxonachilik ishining dolzarb vazifalari, kitob o‘qish va kitobxonlik madaniyatini rivojlantirish istiqbollari,  kutubxonalarda bibliografik faoliyat va zamonaviy axborot texnologiyalari asosida bibliografik yozuvlarni yaratish, foydalanuvchilarga kutubxona xizmati ko’rsatishda ilg‘or axborot texnologiyalarining ahamiyati to`g`risida suxbatlashdilar. ARM mutaxassislari N. Yu. Milichenkova, M. X. Axmedova hamda R. R. Ziyatovalar bugungi kunda “TIQXMMI” MTU Axborot - resurs markazida yaratilgan shart-sharoitlar, mavjud zamonaviy axborot texnologiyalari, jumladan IRBIS64+ tizimi, RFID texnologiyalari bilan tanishtirib o`tdilar. Universitetimiz Axborot-resurs markazida foydalanuvchi professor-o`qituvchilar, talabalar va boshqa toifa kitobxonlar uchun yaratilgan sharoitlar talabalarda juda katta qiziqish uyg`otdi va ko’plab savollarning yuzaga kelishiga sabab bo`ldi. Tashrif so`ngida talabalar qiziqarli ma`lumotlar va yaxshi maslahatlar uchun minnatdorchilik bildirib, kelgusida o`quv amaliyotini universitetimiz ARMda o`tkazish istaklari borligini ta`kidladilar va bir olam taassurotlar bilan ko’tarinki ruхda qaytdilar.

       Axborot-resurs markazi ma’lumoti