Bugun ''TIQXMMI'' Milliy tadqiqot universiteti Xotin-qizlar kengashi raisi Z. Ismailova,  N. Yuldasheva va jamoa kasaba  uyushmasi raisi Farruh Irisovlar  O‘zbekiston Qahramoni,  O‘zbekiston Xalq shoiri, atoqli davlat arbobi marhum Abdulla Oripov xonadoniga tashrif buyurdi. Shoir Abdulla Oripovning rafiqalari Hanifa aya bilan  bir piyola choy ustida ma'zmunli va maroqli suhbat o'tkazildi hamda ayni damda yaqinlashib kelayotgan 8 - Mart ''Xalqaro xotin-qizlar'' kuni munosabati bilan  tabriklab,  Milliy tadqiqot universiteti  rahbariyati va jamoasi nomidan bayram tabrigini yetkazishdi. Suhbat davomida Hanifa aya mamlakatimizda xotin-qizlarga qaratilgan e’tibor va hurmat, amalga oshirilayotgan ishlar haqida to‘lqinlanib gapirib berdilar. Tashrif yakunida onaxon shoir A. Oripov qalamiga mansub “Ayol” she’rini  mehmonlarga o‘qib berdi.

Universitet matbuot xizmati