BMT Bosh Assambleyasining 1999-yil 17-dekabrdagi rezolyutsiyasiga ko‘ra “25 noyabr – Xalqaro ayollarga nisbatan zo‘ravonlikka qarshi kurashish kuni” deb e’lon qilingan.  Shu munosabat bilan har yili dunyo miqyosida 25-noyabrdan 10 dekabrgacha “Zo‘ravonlikka qarshi 16 kun” shiori ostida turli tadbirlar o‘tkaziladi.

2023-yil 23-noyabr kuni “Qishloq xo‘jaligini mexanizatsiyalash” fakulteti Xotin-qizlar masalalari bo‘yicha dekan maslahatchisi, fakultet talaba qizlari va Yunusobod tumani IOFMB 3-IIB XPB XQMB katta inspektori podpolkovnik Baxitova Qunduz Djamgulovna, IIOFMB 5-IIB XPB katta inspektori kapitan Saparova Eleonora Rustamovna va katta inspektor mayor Ubaydullayev Аbzal Rixsiboevichlar ishtirokida “Biz oiladagi zo‘ravonlikka qarshimiz” mavzusida Seminar-trening bo‘lib o‘tdi. Xotin-qizlar masalalari bo‘yicha dekan maslahatchisi E.G‘aniboyeva, podpolkovnik Q.Baxitova, kapitan E.Saparova, А. Ubaydullayev-lar so‘zga chiqib, bugungi kunda yurtimizda Ichki ishlar vazirligi tarkibida huquqiy va ijtmoiy yordamga muxtoj ayollar bilan ishlash uchun 360 nafar ayol inspektorlar shtabi tashkil etilganligi, O‘zbekistonda ayollarga nisbatan zo‘ravonlikning oqibatlari, zo‘ravonlikdan jabrlanuvchining davolanish, maslaxat olish, maxsus parvarishlash markazlariga joylashtirish xarajatlarini qoplash, oiladagi zo‘ravonlikning oldini olish bo‘yicha faol ishlar olib borilayotganligi bo‘yicha maʼlumot berdilar.

                                                                   “Qishloq xo‘jaligini mexanizatsiyalash”

                                                              fakulteti Xotin-qizlar masalalari bo‘yicha

                                                                     dekan maslahatchisi E.G‘aniboeva axboroti

Universitet matbuot xizmati