Tinch-osuda yurtga bayramlar yarashadi! Darhaqqiqat, goʻzal yurtimizda biri - biridan goʻzal bayramlar juda koʻp! Lekin shu bayramlar orasida oʻzining goʻzalligi, shukuhi, orziqib kutilishi bilan alohida ajralib turuvchi bayramlardan biri Navroʻz bayramidir. Navroʻzi-olamni qadim-qadimlardan juda koʻp xalqlar intizorlik bilan kutganlar, chunki bu bayram qishning qironli kunlaridan iliq kunlarga eson-omon yetib kelib, tabiat uygʻonib, atrofni oʻrab turgan borliqqa hayot suvlari yugurishi bilan nishonlangan.

2022 yilning 18-mart kunida “Gidravlika va gidroinformatika” kafedrasining bir guruh professor-oʻqituvchilari 4-talabalar turar joyiga maʼnaviy-maʼrifiy suhbat oʻtkazish uchun tashrif buyurdilar. Talabalar bilan “Navroʻz – bahor, goʻzallik hamda saxovat bayrami” mavzusida ajoyib bir davra suhbati tashkil qilindi. Suhbatga “Gidromelioratsiya” fakultetining boshqa kafedralaridan ham ustozlar taklif etildi. Uchrashuvda soʻz olganlar Navroʻzning tarixi, ahamiyati, jamiyat hayotida tutgan oʻrni haqida toʻlqinlanib gapirdilar. Suhbat qizgʻin, munozara va munosabatlarga boy boʻldi.

Universitet matbuot xizmati