Yurtboshimiz umumiy o‘rta ta’lim maktablarining bitiruvchi yoshlariga tabrik yo‘lladi: “Keyingi paytda O‘zbekiston unib-o‘sib kelayotgan sizdek azmu shijoatli yoshlarimiz uchun ulkan imkoniyatlar mamlakatiga aylanib bormoqda. Yurtimizdagi 210 ta oliygoh, 330 ta kasb-hunar maktabi, qariyb 400 ga yaqin kollej va texnikum sizlarga o‘zingiz tanlagan sohalar bo‘yicha yetuk kadr va malakali mutaxassis bo‘lish uchun imkoniyat maydoni bo‘lib xizmat qiladi. Talabalarning ishlab chiqarishdan ajralmagan holda o‘qib, oliy ma’lumot olishini ta’minlash maqsadida 154 ta oliygohda sirtqi, 15 ta oliygohda esa masofaviy ta’lim shakli faoliyat ko‘rsatmoqda” - deyiladi tabrikda.

“Irrigatsiya va melioratsiya” kafedrasi assistentlari G.Ahmedjanova, S.Tadjiyev va tayanch doktorantlar M.Xayitova, M.Burhonovalar Toshkent viloyati Nurafshon shahridagi 19-sonli va 32-sonli UO‘T maktablariga tashrif buyurdi. Universitet vakillari namunali va a’lochi o‘quvchilarga Rektor tomonidan imzolangan Faxriy yorliqlarni topshirdi hamda bitiruvchilarga Oq yo‘l tiladi.

“Irrigatsiya va melioratsiya” kafedrasi jamoasi axboroti

Universitet matbuot xizmati