Joriy yilning 18 may kuni TIQXMMI " MTU " Gidrotexnika qurilishi fakulteti tyutori X.Saidova va tarbiyachi -  pedagog M.Asrorova hamqorligida  GTQ fakultetining faol talabalari bilan Buyuk davlat arbobi , sohibqiron Amir Temur muzeyiga tashrif uyshtirildi.

O’zbekiston Respublikasi Fanlar Akademiyasi Temuriylar tarixi davlat muzeyi 1996 yilda Sohibqiron Amir Temur tavalludining 660 yilligi munosabati bilan O’zbekiston Respublikasi birinchi Prezidenti Islom Karimov tashabbusi va rahnamoligida bunyod etilgan. Muzeyni tashkil etish bo’yicha O’zbekiston Respublikasi Vazirlar Mahkamasining 1996 yil 14-martdagi 99-sonli qarori qabul qilingan.

Muzeyning asosiy maqsadi Amir Temur va temuriylar davrida ilm – fan, maorif va madaniyatning yuksak darajadagi taraqqiyotini haqqoniy aks ettirish keng targ’ib qilish, chuqur insonparvarlik ruhi bilan sug’orilgan tarixiy yutuqlarimiz va an’analarimiz asosida yosh avlodni vatanparvarlik ruhida tarbiyalashdir.