“Yer resurslari va kadastr” fakultetiga 2023-2024 o'quv yili uchun 1 kursga tavsiya qilingan “Yer kadastr va yer tuzish” va “Kadastr(faoliyat turlari bo‘yicha)” yo‘nalishi talabalariga "1 KURS MAKTABI" doirasida “Mutaxassislikka kirish” fanidan O‘zbekiston Respublikasi Iqtisodiyot va moliya vazirligi huzuridagi Kadastr agentligining Respublika aerogeodeziya markazi xodimlari tamonidan ochiq dars tashkil etildi.

Unda fakultet dekani Sh.Narbayev,Yer resurslarini boshqarish kafedrasi mudiri A.Altiyev va Respublika aerogeodeziya markazi direktorining birinchi o'rinbosari Mayinov Shuhrat Qo'chqorovichlar qatnashishdi. So‘zga chiqgan soha vakillari dastlab 1 kursga tavsiya qilingan, talabalik baxtiga erishganligi bilan tabriklab, bu sohadagi hozirgi kundagi yangiliklar va olib borilayotgan ishlar to‘g‘risida keng qo‘lamli ma’lumotlar berib, talabalarning qiziqtirgan savollariga javob berishdi.

“Geodeziya va geoinformatika” kafedrasi dosenti O‘.Islomov axboroti

Universitet matbuot xizmati