Bugun “Toshkent Irrigatsiya va qishloq  xo‘jaligini mexanizatsiyalash muhandislari instituti” milliy tadqiqot universiteti “Iqtisodiyot” fakulteti 1-bosqich  102-guruh talabalari bilan Pirimqul Qodirovning “Yulduzli tunlar” tarixiy romani bugungi axborot soatida muhokama qilindi. Asarda Zahiriddin Muhammad Bobur hayoti haqida so‘z yuritiladi. “Yulduzli tunlar”da “Boburnoma” hamda “ Humoyunnoma” asarlari asosiy manba bo‘lib xizmat qilgan. “Yulduzli tunlar” zamonaviy o‘zbek adabiyotining eng sara asarlaridan biri hisoblanadi.

Albatta bunday bahs-munozarali suhbatlar, talaba-yoshlarni qalbida odamiylik, bag‘rikenglik, kechirimlilik kabi tuyg‘ularni uyg‘otadi. Bunday mashg‘ulotlar yoshlarda yuksak vatanparvarlik tuyg‘ularini tarbiyalash, yurt tuprog‘ini , vatanni Boburdek sevishga, uning sog‘inchini Boburdek his qilishga undaydi.

Ahbob, yig‘ilmoqni farog‘at tutungiz,

Jam’iyatingiz borini davlat tutungiz.

Chun gardishi charx budurur, Tengri uchun,

Bir-birni necha kun g‘animat tutung‘iz.

Zahiriddin Muhammad BOBUR

“Iqtisodiyot” fakulteti   tyutori D.Egamova axboroti

Universitet matbuot xizmati