Universitet professor o’qituvchilari xalqaro universitetlar olimlari bilan o‘zaro ilmiy-ijodiy ishlar samaradorligini oshirish, ilmiy faoliyatda xalqaro integratsiyani yanada mustahkamlash, xalqaro tajribalarni o'rganish borasida qator amaliy ishlar olib borilmoqda.

Xususan, joriy yilning 1-9 fevral kunlari “Iqtisodiyot” fakulteti “Iqtisodiyot” kafedrasi QS reytingida 43 o’rinda turuvchi Monash Universiteti vakillarini kutib oldi. Monash universiteti professori Norita Mohd Nasir tashrifi davomida universitetlarimiz o’rtasidagi xalqaro aloqalarni jadallashtirish, o’zaro ilmiy izlanishlar olib boorish, loyihalarda birgalikda hamkorlik qilish, professorlar hamda talabalar almashinuvini amalga oshirish bo’yicha kelishuvlar muhokama qilindi.

Malayziyaning Monash Universiteti va “TIQXMMI” MTU oliygohlarida mavjud bo’lgan fakultetlar hamda qilinayotgan strategik aloqalarni rejalshtirish, universitetlarda mavjud imkoniyatlar ko’lami haqida o’zaro fikr almashildi. Shuningdek,universitetimizning innovatsion klasteri, kutubxonasi va boshqa binolari bilan tanishtirildi.

Ma’lumot uchun, Universitetimizninig “Iqtisodiyot” kafedrasi dotsenti, PhD Saidova Marhabo Xabibullo qizi 2023-yilning 1-15 dekabr kunlari Monash universitetiga tashrif buyurib, universitetdagi mavjud shart sharoitlar, yaratilgan imkoniyatlar, turdosh yo’nalishlar bilan tanishib chiqib tajriba orttirgan edi. Navbatdagi tashrif Monash va “TIQXMMI” MTU universitetlari o’rtasida yanayam do’stlik va hamkorlik aloqalarini rivojlantirishga yordam beradi.

                                                                        “Iqtisodiyot”  fakulteti 202-guruh talabasi Z.Pardayeva axboroti

                         Universitet matbuot xizmati