"Toshkent irrigatsiya va qishloq xo'jaligini mexanizatsiyalash muhandislari instituti" Milliy  tadqiqot universiteti psixologi M.K.Muhammedova tomonidan talabalarning bo'sh vaqtlarini mazmunli tashkil etish, ular o'rtasida sog'lom turmush tarzini targ'ib kilish, vatanparvarlik, ezgulik, insonparvarlik singari yuksak insoniy fazilatlarga nisbatan mehr va muhabbat uyg'otish hamda talaba qizlarning iqtidorini namoyish etish maqsadida “Iqtisod”, “Gidrotexnika qurilishi”, “Er resurslari va kadastr”, “Gidromelioratsiya” , “Qishloq xo'jaligini mexanizatsiyalash” fakultetlari talabalari ishtirokida “Mohir qo'llar” nomli tadbir tashkil etdi. Mazkur tadbirda Xor jamoasi a'zolaridan biri “Qishloq xo'jaligini mexanizatsiyalash” fakulteti talabasi Sayidqulova Yulduz tikish san'tini namoyish etib, o'z qo'llari bilan jamoadoshlariga  nimcha tikib, olqishlarga sazovor bo'ldi.

Tadbirda “Qishloq xo'jaligini mexanizatsiyalash” fakulteti dekani Q.Shavazov ham faol ishtirok etib, universitetimizda  mohir qo'lli talabalrimiz uchun yaratilgan qulay shart sharoitlar to'g'risida so'zlab, yig'ilish ishtirokchilariga mavzu doirasida o'z qimmatli maslahatlarini berib o'tdi. O'tkazilgan tadbirdan barcha talabalar hayotiy faoliyatlari uchun zarur bo'lgan ma'lumotlarga ega bo'lishgan holda yig'ilish yakuniga yetdi.

Universitet psixologi M.K. Muhammedova axboroti

TIQXMMI MTU matbuot xizmati