Joriy yilning 15 - aprel kuni «Toshkent irrigatsiya va qishloq xo'jaligini mexanizatsiyalash muhandislari instituti» Milliy tadqiqot universiteti, «Gidromelioratsiya» fakulteti talaba qizlari o'rtasida “Mohir qo'llar” ko'rik - tanlovi bo’lib o’tdi. Tanlovda xotin - qizlar masalalari bo’yicha dekan maslahatchisi Z. F. Beknazarova, fakultet tyutorlari va o’qituvchilar ishtirok etishdi. Z. Beknazarova ishtirokchilarga ko'rik - tanlov shartlari haqida ma'lumot berib, barcha ishtirokchilarga muvaffaqiyat tiladi.

Tanlovda 3-bosqich talabasi Mamatqulova Sohiba, 1-bosqich talabalari Xujanazarova Qizlarsora va Hoshimova Ruzigullar o'rtasida bellashuv bo'lib o'tdi. Hakamlar tomonidan qizlarimizning o'z  qo'l mehnati bilan yaratgan taqinchoqlari, milliy ruhda tayyorlangan gullar barchaga manzur bo'ldi. Tanlovda 3-bosqich talabasi Mamatqulova Sohiba 1-o'rin, 1-bosqich talabasi Xujanazarova Qizlarsora 2-o'rin va 1-bosqich talabasi Hoshimova Ruzigullar  3-o'rinni egallab mohir qo'llar bo'yicha o'z san'atlarini namoyish etishdi.

“Gidromelioratsiya” fakulteti xotin-qizlar masalalari bo‘yicha dekan maslahatchisi Z. Beknazarova axboroti

Universitet matbuot xizmati