O‘zbekiston Respublikasi Vazirlar Mahkamasining “Isteʼdodli yoshlarni qo‘llabquvvatlash “Ulug‘bek” jamg‘armasi faoliyatini rivojlantirish chora-tadbirlari to‘g‘risda” gi 2022-yil 18-yanvardagi 30-son qarorining 3-bandiga muvofiq 2022-yildan boshlab, har yili iqtidorli yoshlarni kashf qilish va ularni qo‘llab-quvvatlashga qaratilgan “Mirzo Ulug‘bek vorislari” Respublika tanlovining tuman (shahar) va viloyat bosqichlari o’tkazib kelinmoqda.

Joriy yilning 24-mart kuni bo’lib o’tgan Mirzo Ulug’bek vorislari Respublika tanlovida “TIQXMMI” Milliy tadqiqot universitetining “Qishloq va suv xoʼjaligi energiya taʼminoti” fakulteti “Mexatronika va Robototexnika” ta’lim yo’nalishi iqtidorli talabalaridan Umarov Behruz ham Tayanch doktorant Almardon Mustafoqulov rahbarligi ostida olib borayotgan ilmiy tadqiqot ishi bilan munosib qatnashib 1-bosqich g’olibi bo’lib viloyat bosqichiga yo’llanma olgan edi.

Behruzbek 15-Aprel kuni o’tkazilgan Respublika tanlovida ham munosib ishtirok etib qariyb 65 nafar ishtirokchilar orasida g’oliblar ro’yxatidan joy olib 3-bosqichga yo’llanma oldi.

Biz ushbu talabamizni erishgan yutuqlari bilan chin dildan qutlaymiz. Keyingi bosqichda ham munosib o’rin egallashiga ishongan holda muvaffaqiyat va omad tilab qolamiz.

Universitet matbuot xizmati