Ular sport musobaqalariga juda qiziqar edilar, ayniqsa, futbol ullarning jonu dili edi. Futbol tomoshasidan ayricha zavq olardilar. Gap sobiq va sodiq rektorimiz  Umurzakov O'ktam Pardayevich haqida. Joriy yilning 19-20 avgust kunlari ularning xotirasiga bag'ishlangan minifutbol bóyicha xotira turniri bólib ótdi.

Mazkur turnirda 4ta jamoa ya'ni "Umrzoqovlar oilasi" jamoasi shuningdek, "Irrigator" futbol jamoasi, shu bilan birga Qarshi irrigatsiya va agrotexnologiyalar instituti terma jamoasi hamda Buxoro tabiiy resurslarini boshqarish instituti terma jamoalari ishtirok etishdi. 19-avgust kuni boshlangan musobaqalar qizg'in kurashda davom etib 4ta jamoa ôrtasida qizg'in kurashlarga boy bôldi.

Universitetimiz rektori, professor Bahodir Mirzayev Final bosqichiga yetib kelganlarni samimiy qutlay turib, ushbu turnir ustozimiz O'ktam Pardayevichni qadrlash va xotirlash yo‘lidagi yana bir muhim qadam bo‘lganini e'tirof etdi. 20 - avgust kuni finalga "Umrzoqovlar oilasi" hamda "Irrigator" jamoasi yôl olishdi. Shuningdek, 20 avgust kuni finaldan oldin 3-órin uchun bahslar Qarshi va Buxoro terma jamoalari ôrtasida bólib ótgandi. Keskin kurashlar ostida kechgan bu musobaqada Qarshi irrigatsiya va agrotexnologiyalar institutining futbol bóyicha terma jamoasi ustunligida kechdi va 3-óringa loyiq deb topildi.

Final jamoasida esa "Irrigator" terma jamoasi va "Umrzoqovlar oilasi" terma jamoasi ózaro kuch sinashdi. Mazkur musobaqa, yoshidan qat'iy nazar barcha futbolga qiziquvchi oila a'zolari hamda universitetimizning professor óqituvchilarini óz ichiga qamrab oldi. Musobaqaning eng ahamiyatli tomoni shuki eng yosh ôyinchidan tortib eng yoshi ulug'igacha bólgan nominatsiyalarda ular taqdirlanishdi. Final musobaqasida g'oliblikni "Umrzoqovlar oilasi" jamoasi qólga kiritdi va shundan sóng tantanali taqdirlash marosimi bólib ótdi. Rektor B. Mirzayev g'oliblarni chin dildan qutlab tegishli sovg'a va sovrinlarni taqdim etdi.

Quyidagi nominatsiyalar ya'ni "Eng yaxshi darvozabon", "Eng yaxshi hujumchi", "Eng yaxshi yarim himoyachi", "Eng yoshi kichkina óyinchi" va "Eng yoshi ulug' ôyinchi" shuningdek, munosib ishtiroki uchun tashakkurnomalar hamda birinchi, ikkinchi, uchinchi ôrinlarga "Tashakkurnoma" berildi. Nominatsiyalar bóyicha statuetkalar ham toshirildi. Aytish joizki, o‘zlarining tashabbusi bilan bunyod etilgan futbol o‘yingohidagi ushbu musobaqa O'ktam Pardayevich ruhini shod etish mazmunida ham katta ahamiyat kasb etdi.

              Universitet matbuot xizmati