Suv xo‘jaligi sohasi uchun malakali ilmiy kadrlarni tayyorlash, ta’lim, ilm-fan va ishlab chiqarish sohalari o‘rtasidagi o‘zaro hamkorlikni rivojlantirish, ilmiy-tadqiqot muassasalari bilan aloqalar o‘rnatish, ta’lim va ishlab chiqarish integretsiyasini joriy qilishni kengaytirish va ularning samaradorligini oshirish davr talabidir. O‘zbekiston Respublikasi Prezidentining 10.12.2021 yildagi PQ-42-son “Iqtisodiyot tarmoqlari uchun muhandis kadrlarni tayyorlash tizimini innovatsiya va raqamlashtirish asosida tubdan takomillashtirish chora-tadbirlari to‘g‘risida”gi qarori ijrosini taminlash maqsadida “Gidravlika va gidroinformatika” kafedrasi professor-o‘qituvchilari, doktorantlar va magistrantlar joriy yilning 25-fevral kuni Irrigatsiya va suv muammolari ilmiy-tadqiqot institutiga tashrif buyurdilar. Tashrifdan ko’zlangan asosiy maqsad 70530804-Gidravlika va muxandislik gidrologiyasi magistratura mutaxasissligining malaka talabi, o‘quv rejasidagi majburiy va tanlov fanlari, fan dasturi va silabuslar mavzularining zamon talablariga mosligini, mazmun-mohiyatini muhokama etish bo‘ldi.

Yig‘ilishda Irrigatsiya va suv muammolari ilmiy-tadqiqot institutidan t.f.d., professor. E.Maxmudov, t.f.d., professor. S.Xudoyqulov, t.f.d., professor. M.Ikromova, PhD. U.Sadiyev,   PhD. M.Saidov, PhD. O‘.Jovliyev va institut doktorantlari ishtirok etishdi. Davra suhbati avvalida kafedra mudiri t.f.d., prof. A.M.Arifjanov magistratura mutaxassisligining malaka talabi, o‘quv rejasidagi majburiy va tanlov fanlari, fan dasturi va silabuslar mavzulari bo‘yicha tahliliy taqdimotni yig‘ilish ishtirokchilariga namoyish etdi. Professor  E.Maxmudov so‘zga chiqib suv xo‘jaligi sohasi uchun malakali ilmiy kadrlarni tayyorlash, ta’lim, ilm-fan va ishlab chiqarish sohalari o‘rtasidagi o‘zaro hamkorlikni rivojlantirish, tashkilotlar bilan aloqalar o‘rnatish, ta’lim va ishlab chiqarish integratsiyasini joriy qilishni kengaytirish va ularning samaradorligini oshirish bo‘yicha keng qamrovdagi davra suhbati bo‘lganligini aytib "Gidravlika va gidroinformatika" kafedrasi jamoasiga tashakkur bildirdi. Yig‘ilishdan so‘ng “Gidravlika va gidroinformatika” kafedra jamoasi uchun «Irrigatsiya va suv muammolari ilmiy-tadqiqot instituti» laboratoriyasiga ekskursiya tashkil etildi.

 Universitet matbuot xizmati