Universitetning “Qishloq va suv xo’jaligi energiya ta’minoti” fakulteti “Elektrotexnologiyalar va elektr jihozlardan foydalanish” kafedrasiga biriktirilgan Toshkent viloyatining Piskent tumanidagi 10-sonli umumta’lim maktabiga kafedraning dotsentlari Turdiboyev A hamda O’.Xoliqnazarovlar  tashrif buyurishdi. Maktabdagi ta’lim jarayonlari, yutuq va muammolari bilan tanishdi. Ustozlar bilan samimiy suhbatlar o‘tkazdi. Tashrif davomida Turdiboyev A, O’.Xoliqnazarovlar o‘quvchilarning kelgusidagi o‘qishlarida omad tilab, kitoblar to‘plamini sovg‘a qilishdi.

Aytish kerakki, bu kabi  tashabbuslar yurtimizda kun sayin quloch yoyib borayotganligi har birimizni quvontiradi. Tashabbusning tag zamirida yosh avlodni qiziqishlariga ko’ra tashkil etilgan to’garaklar faoliyati, ma’naviy-ma’rifiy ishlar targ’ibotining qamrov darajasi haqida tanishib chiqdilar. Qolaversa, kafedra o’qituvchilarining yoshlar bilan samimiy uchrashuvlari yosh avlodni kelajakda yurt koriga yaraydigan komil insonlar bo‘lib ulg‘ayishlarida katta maktab bo‘lib xizmat qiladi.

Maktab jamoasi ham o’z navbatida bunday fikr va tajriba almashuvlar, o’rganish ishlarining tashkil etilishi ta’lim samaradorligiga faqat ijobiy ta’sir etishi to’g’risida o’z fikrlarini bildirishdi.

“ETvaEJF” kafedrasi O’.Xoliqnazarov axboroti

Universitet matbuot xizmati