25.05.2024-yili “O‘zbek tili va adabiyoti” kafedrasi mudiri dots. F.B. Kilicheva va o‘qituvchi M.A. Qo‘shnazarova kafedra yo‘l xaritasida belgilangan vazifalar yuzasidan quyidagi ishlarni amalga oshirish uchun Piskent  tumanidagi 42-sonli maktabga tashrif buyurishdi.

Kafedra xodimlari maktabning “Maktab – ilm maskani” shiori asosida o‘tkazilayotgan “So‘nggi qo‘ng‘iroq” tadbiriga qatnashishdi, shuningdek, tadbirda kafedra mudiri dots. F.B. Kilichevaga so‘z berilganligi bois, u butun maktab ma’muriyatini hamda maktabning barcha o‘quvchilari va bitiruvchilarini chin qalbdan tabriklab, ularga kelgusi o‘qishlarida muvaffaqiyatlar tiladi.

Tadbir so‘nggida kafedra xodimlari 11-sinf bitiruvchilariga “TIQXMMI” MTU to‘g‘risida targ‘ibot-tashviqot ishlarini olib borishdi. Endigina yangi hayotga qadam qo‘yayotgan maktab bitiruvchilari universitet faoliyati, uning yo‘nalishlari, taraqqiyoti va bugungi kundagi reytingi haqida aniq ma’lumotga ega bo‘lishdi. 

“O‘zbek tili va adabiyoti” kafedrasi o‘qituvchisi M.A. Qo‘shnazarovaning axboroti