“TIQXMMI” milliy tadqiqot universitetida 2023/2024-o’quv yili davomida o’tkaziladigan tadbirlarning kalendar rejasiga muvofiq “Ekologiya va huquq” fakulteti tyutorlari X.Ro’zmetov va I.Ahmedovalar tashabbusi bilan joriy yilning 9-noyabr kuni 2- Talabalar turar joyida barcha 1-bosqich talabalari ishtirokida “Students Party” madaniy ko’ngilochar tadbiri o’tkazildi.

Unda ishtirok etgan 70 ga yaqin  talabalar uchun turli ko’ngilochar o’yinlar va musobaqalar tashkil etildi. Yuqori va kreativ ruhda o’tkazilgan mazkur tadbir yakunida talabalar ishtirokida osh ham tayyorlandi va qozon atrofida kuy -qo’shiqlar aytilgani hamda bu jarayonda TTJ da yashaydigan chet ellik mehmonlarning ham ishtirok etgani talabalarga yanada yuqori kayfiyat bag’ishladi.

“Ekologiya va huquq” fakulteti tyutori X.Ro’zmetov axboroti

Universitet matbuot xizmati