7 оktabr kuni M.Ulug'bek tumaniga qarashli "Minglola" hamda "Yangi Avayxon" MFY larida deputat va  mahalla faollari uchrashuvi bo'lib o''tdi.  Deputat Ro‘zimurod Choriyev o'z saylovchilari bilan uchrashar ekan, odamlar dardi bilan yashash, keksalarni e'zozlash mavsumiy masala emas, balki doimiy vazifa va burch ekanini ta'kidlab o‘tdi. Bu borada ulug‘ yoshli insonlarga Prezidentimiz tomonidan ko‘rsatilayotgan g‘amxo'rliklar haqida ham so‘z yuritdi.

Ma'naviy - ma'rifiy tadbirda olimlar, shoir va hofizlarning ham ishtiroki e'tiborga molik bo‘ldi.  Chiroyli suhbat kuy-qo'shiqlarga ulanib ketdi. R. Choriyev tadbir ishtirokchilariga turli nomdagi qiziqarli har xil mavzularga oid badiiy kitoblarni ulashdi. Ko‘p yillik pedagogik faoliyati bilan e'tibor va ehtirom qozongan Arofatxon opa hamda o‘z she'rlari bilan barchaga estetik zavq baxsh etgan O'zbekiston xalq shoiri Ikrom Otamurodlar ham taqdim etilgan sovg‘alardan benihoya shod bo‘lishdi.

Mahalla a'zolari "TIQXMMI" Milliy tadqiqot universitetimizning bir guruh professor o‘qituvchilarining chiqishlaridan mamnun bo‘lishdi. Ayniqsa, Abdumirhakim Axmedov ijrosidagi jonli ijro ularni rosa xursand qildi. Har ikkala mahalla raislari Komiljon va Olimjon akalar tashrif va tabriklardan mamnun bo‘lishib R. Choriyev boshchiligidagi jamoaga o‘z minnatdorchiligini bildirishdi.

           Universitet matbuot xizmati