“Toshkent irrigatsiya va qishloq xoʼjaligini mexanizatsiyalash muhandislari instituti” milliy tadqiqotlar universitetiga universitet maqomi berilgandan keyin barcha yoʼnalishlar boʼyicha ancha jonlanishlar boʼlgani rost. Shuning uchun ham fevral va mart oyida tashkil etilayotgan xotin-qizlar faoliyatiga bagʼishlangan har ikkita tadbir ham oʼzining mohiyat eʼtibori bilan ahamiyatlidir. Bulardan biri 11-fevral - “Halqaro ilm-fan sohasidagi xotin-qizlar kuni” ga bagʼishlangan holda tashkil etilayotgan “UCh АVLOD OLIMА АYOLLАR” 1-halqaro onlayn forumi boʼlsa, ikkinchisi 8-mart – Xalqaro xotin-qizlar kuni munosabati bilan universitetimizning katta zalida oʼtkazilishishi rejalashtirilayotgan “Muqaddas ayol” ruknidagi bayram tadbiridir.

Xuddi shu munosabat bilan bugun universitetimizda Birinchi prorektor Ruzimurat Choriev raisligida mashvarat tashkil etildi. Unda fakultet dekanlari o’rinbosarlari va boshqa mutasaddilar ishtirok etishdi. Har ikkala tadbirni ham koʼngildagidek, yuqori saviyada, mazmunli oʼtkazish boʼyicha ishtirokchilarning taklif va tavsiyalari tinglandi. Birinchi tadbir onlayn orqali ikkinchisi esa oflayn tarzda boʼlishi qayd etildi. Аyni paytda bunga masʼullar biriktirildi.

Universitet mаtbuot xizmаti