Joriy yilning 14 oktabr  kuni GM fakulteti 4-kurs 407- guruh talaba yoshlari bilan universitet psixologi M.K. Muxamedova va GM fakulteti Ekologiya va suv resurslarini boshkarish kafedrasi dotsenti M. Abdukadirovalar hamkorlikda “Aql ko'pga yetkazar, kasb ko'kka!” mavzuida davra suhbati va trening tashkil etishdi. Tadbir talabalarda  o'z kasb korlariga nisbatan muhabbatlarini oshirish, mehnatsevarlik  ruhida tarbiyalash, kelajakda o'z kasb korlari tufayli yuksak cho'qqilarni egallash mumkinligi va bu kasb har doim eng dolzarb kasblardan ekanligi haqida ma'lumotlar berish maqsadida tashkil etildi. Tadbirda kishining rizq topadigan kasbu hunari, ishi va xizmatining turi qanaqaligidan  qat'i nazar, halol bo'lishi, yuritayotgan kasbi korida halollik va insofni o'ziga shior qilib olishi muhim sanalishi haqida fikrlar yuritildi. Imom Movardiyning aytishicha: «Kasblarning asl ustunlari ziroat, tijorat va sanoatdir». Movardiyga ko'ra, kasbi korlarning asos ildizlari uch narsaga borib taqaladi: ziroat, tijorat va sanoat. Ziroat degan asosga dehqonchilik, bog'dorchilik, chorvachilik va hokazolar kiradi. Savdo-sotiq, tadbirkorlik va hokazolarning asosi tijoratdir. Ishlab chiqarishga taalluqli bo'lgan hamma ishlar sanoat turkumiga kirishi haqidagi qiziqarli ma'lumotlar berilib, tadbirning ikkinchi qismiga o'tildi. Tadbir davomida talabalarning kayfiyatlarini pozitiv tomonga o'zgartirish maqsadida “Kayfiyatingizni rasmini chizing”, “Yaxshi kayfiyat” testi, “Xarakteringizning yorqin jihatlari” testi, “Kvadratni yig'”, “Sehrli shar” kabi o'yin va mashg'ulotlar barcha talabalar kayfiyatini yuqoriga ko'tarish bilan birgalikda, darslarga g'ayrat bilan kirishishlariga imkon berdi. Barcha ishtirokchilar tadbirda faol qatnashishib o'zlari uchun tegishli xulosalar chiqarishgan xolda tadbir yakunlandi.

Universitet psixologi M.K. Muhammedova axboroti

"TIQXMMI" MTU matbuot xizmati