Joriy  yilning 30 augustida “Toshkent irrigatsiya  va qishloq xo’jaligini mexanizatsiyalash muhandislari instituti” Milliy Tadqiqot Universitetiga Italiyalik  (International Cooperation Expert on Rural development,Agricultural enterprises, Food security, Evaluation & Monitoring) Qishloq xo’jaligi taraqqiyoti, Qishloq xo‘jaligi korxonalari, Oziq-ovqat xavfsizligi va Baholash va monitoring o’tkazish bo’yicha 30 yillik ilg’or tajribaga ega bo’lgan yetuk mutaxassis, Xalqaro hamkorlik bo‘yicha ekspert  Dr Franco Turri o’z rafiqasi bilan tashrif buyurdi.

     Rasmiy yig’ilish universitetimizdagi “Gidromelioratsiya” fakultetining “Irrigatsiya va Melioratsiya” kafedrasida bo’lib o’tdi. Uchrashuvni “Irrigatsiya va Melioratsiya” kafedrasi mudiri Prof. Ilxom Begmatov ochib berdilar va hamkorlarimiz bilan tanishtirib o’tdilar. Uchrashuvda kafedraning professor-o’qituvchilari ham faol qatnashishdi. Muzokarani universitetimiz haqidagi taqdimot bilan “Ingliz tili” kafedrasi dotsent v.b Go’zal Eshchanova boshlab berdi, dargohimizda olib borilayotgan ilmiy va xalqaro loyihalar haqida qisqacha to’xtalib o’tdi. Shuningdek uchrashuvda Halqaro munosabatlar” bo’limi rahbarlari  Dr. Sherzod Rahmonov va Dr.Zufar Umurzaqov ham qatnashib, mexmonlarni qiziqtirgan savollar bo’yicha yetarli ma’lumotlarni berib o’tishdi.

     Uchrashuvda tashrif buyurgan xamkorlarimiz  Italiyaning Florensiya universiteti (Davlat Tadqiqot Universiteti) bilan universitetimiz o’rtasida ta’lim va ilmiy tadqiqot masalalarida o’zaro hamkorlikni yolga qoyish, Memorandum imzolash masalalarida ham yaqindan muzokara olib borishdi. Kafedra mudiri tomonidan halqaro hamkor Dr Franco Turridan magistratura yonalishida universitetimiz talabalariga masofaviy shaklda ma’ru’za mashg’ulotlarini olib borish taklifi berildi va Italiyalik professor mamnuniyat bilan o’zining roziligini bildirdi. Italiyaning bir qator Oliy Ta’lim Muassasalari bilan yaqindan hamkorlikni yolga qo’yishdagi istiqbolli rejalarga ham to’xtalib o’tildi. Shunigdek, hamkorlarimizga univeritetimizning “Gidromelioratsiya” fakulteti  tasarrufidagi laboratoriyalariga tashriflar tashkil qilindi.  Uchrashuv erkin va qizg’in mukokara koʼrinishda boʼlib oʼtdi.

                    “TIQXMMI” Milliy Tadqiqot Universiteti Matbuot Xizmati