22-dekabr - ENERGETIKLAR  KUNI munosabati bilan “Toshkent Irrigatsiya va qishloq xo’jaligini mexanizatsiyalash muhandislari Instituti” Milliy tadqiqot Universitetida “Qishloq va suv xo'jaligi energiya ta'minoti” fakulteti hamda Ilmiy bo’lim xodimlari tashabbusi bilan “KELAJAK ENERGIYASI” nomli tanlov bo’lib o’tdi. “Eng yaxshi innovatsion ishlanma”, “Start up loyiha”, “Energiya tejashga da’vat etuvchi eng ta’sirli rasm”, “Eng yaxshi dasturchi”, “Eng yaxshi grafik dizayner”, “Texnologik jarayonlarni avtomatlashtirish” singari turli yo’nalishlarda barcha talabalar o’z loyiha va belgilangan talablar asosida ishtirok etishdi.

Tanlovda ko’p sonli talabalar, kuzatuvchilar, mehmonlar tashrif buyurishdi. O’quv ishlari bo’yicha prorektor B.Xudayorov tanlovni ochib berdilar. Qiziquvchan, intiluvchan yoshlarning ishlarini adolatli baholashda keng tarkibli jamoa jalb qilindi. Ilmiy-tadqiqotlar, innovatsiyalar va ilmiy-pedagog kadrlar tayyorlash bo‘limi boshlig‘i Quziyev Ulug'bek Tadjiyevich hakamlar hay’ati raisi  , Qishloq va suv xo'jaligi energiya ta'minoti fakulteti dekani, professor t.f.d Isaqov Abdusaid Jalilovich o‘rinbosarlik qildilar. Texnologik jarayonlar va ishlab chiqarishni avtomatlashtirish va boshqarish kafedrasi  professori t.f.d. Kalandarov Palvan Iskandarovich, "Gidravlika va gidroinformatika" kafedrasi dotsenti t.f.f.d Samiev Luqmon Nayimovich, "Geodeziya va geoinformatika" kafedrasi dotsenti Abduraxmonov Sarvar Narzullayevich, "Suv energiyasi va nasos stansiyalaridan foydalanish" kafedrasi dotsenti PhD Xidirov Sanʼatjon Quchqorovich, "Umumtexnik fanlar" kafedrasi dotsenti Barliboyev Sherzod Naqibbekovich, Tayanch doktorant Ozodov E’zozbeklar hay’at a’zolari sifatida ishtirok etishdi.

O’zgacha shukuh, ko’tarinki kayfiyatda o’tgan “KELAJAK ENERGIYASI” tanlovi Yangi yil bayrami oldi barcha talaba, yoshlarimizga chinakam sovg’a bo’ldi. Tanlovni bevosita talabalar kuzatishdi bir-biridan kuchli g’oyalar ishlanmalar olib chiqildi. Energiya tejash bo’yicha talabalar va yosh olimlar tarafidan berilgan takliflar juda mulohazali va juda o’rinli takliflar berishdi. Tanlovda qatnashgan talabalar va yosh olimlar o’z fikrlarini bildirar ekan, bunday tanlovlarni muntazam ravishda ko’proq tashkil qilishni, fikrlar almashuvni juda yaxshi kechishini aytib o’tilar. 

QSXET fakulteti dekan o’rinbosari A.Mutalov axboroti

TIQXMMI Milliy tadqiqot universiteti matbuot xizmati