23-noyabr kuni poytaxtda boshlangan “InnoWeek.Uz-2021” xalqaro innovatsion g‘oyalar haftaligi qizg'in davom etmoqda. Innovatsion rivojlanish vazirligi tomonidan tashkil etilgan “InnoWeek.Uz-2021” xalqaro innovatsion g‘oyalar haftaligi kutilganidan ko'ra ko'tarinki ruhda va yoshlarning faol ishtiroki bilan o'tkazilmoqda. Unda 50 ga yaqin xorijiy davlatlardan va maxalliy ilmiy-innovatsion markazlar, investitsiya fondlari, texnologiya agentliklari, texnoparklar va biznes-inkubatorlar vakillari, ekspertlar, oliy ta'lim muassasalari, olimlar ishtirok etmoqda. Ushbu haftada “InnoWeek.Uz-2021” tajriba almashish, yangi loyihalarni o‘rganishga ko‘maklashishini alohida qayd etib o‘tildi. 27-noyabrga qadar davom etadigan tadbir doirasida ko‘plab tadbirlar tashkil etilishi rejalashtirilgan. Bugun 25-noyabr kuni Suv xo'jaligini tashkil etish va boshqarish fakulteti Iqtisodiyot kafedrasi stajyor-o'qituvchisi, 08.00.04-Qishloq xo'jaligi iqtisodiyoti ixtisosligi birinchi bosqich tayanch doktoranti Akmal Berdimurodov boshchiligida Sxteb va Iqtisodiyot ta'lim yo'nalishi 302-guruh hamda 304-guruh talabalari "Innovatsion iqtisodiyot" fani bo'yicha olgan bilimlarni faoliyatida mustahkamlash uchun haftalikga tashrif buyurishdi.

Kuni kecha 301-guruh talabalari kelgandi. Dastlab, talabalar ro'yhatdan o'tishdi. Tashqi tarafdagi ko'rgazmalar, qishloq xo'jaligi texnikalari, innovatsiyalar, elektromobillar bilan tanishishdi. Vazirlik qavatlarida joylashgan innovatsion ko'rgazmalarga talabalar tashrif buyurdi hamda o'zlarini qiziqtirgan savollarga javob olishdi hamda yangiliklar bilan tanishish imkoniyatiga ega bo'lishdi. Institut ko'rgazmasi bilan ham tanishishdi. Shundan so'ng Vazirlik matbuot kotibi O'rinboyeva.R hamda A. Berdimurodov tashabbusi bilan "Talabalar, ta'lim, tadbirkorlik va biznes" mavzusida smenar-trening tashkil etildi. Semenarda Biznes inkubator loyihasi bo'yicha taqdimot, savol-javoblar bo'lib o'tdi. Endi dastur haqida qisqacha ma'lumot bersak.Biznes Inkubator - Innovatsion g'oyalarni biznes-modelga aylantirishda g'oya egalarini qo'llab quvvatlash dasturi.

Tashkilotchilar:

- O'zbekiston Respublikasi Innovatsion rivojlanish vazirligi

- Vazirlik qoshidagi Yashnobod Innovatsion texnoparki

Dastur haqida:

Yoshlar, boshlovchi tadbirkorlar,ixtirochi olimlarga ularninh g'oyalarini ishlovchi biznes-modelga aylantirish, biznes boshqaruvda ko'mak berish;

tadbirkorlar, olimlar, yoshlar va tashabbuskor yoshlarning tadbirkorlik salohiyatini oshirish.

Dasturda mashg'ulotlar amaliy tajribaga ega bo'lgan tadbirkorlar va biznes konsultantlar tomonidan olib boriladi.

Ta'lim shakli Dastur ishtirokchilari uch oy davomida turli mavzular bo'yicha ko'zga ko'ringan mutaxassislardan amaliy darslar olib boradilar. Undan tashqari, har bir ishtirokchi jamoaga biznes-ustoz (tr-k) lar biriktiriladi. Ishtirokchilar biznes-ustozlari ko'magida o'z loyihalarini hayotga tadbiq qilishga tayyorlab boradilar. Dastur finaliga yetib borgan ishtirokchilar o'zlarining biznes loyihalarini invsestorlarga taqdim qilishlari hamda Innovatsion Rivojlanish Vazirligi tomonidan o'tkaziladigan startap loyihalar tanloviga to'gridan-to'g'ri qabul qilinadi.

18 yosh va undan katta barcha talaba-yoshlar ariza topshirishlari mumkin. Shuningdek, talabalar Texnoparkda ishlash va amliyot o'tash imkoniyatiga ham ega bo'ladi. Tashrif oz bo'lsada talabalarga foydali bo'ldi deb xulosa qildik. Siz ham tashrif buyuring haftalik davom etmoqda.

TIQXMMI matbuot xizmati