Joriy yilning 25 fevral kuni “TIQXMMI” MTU GTQ, SXTEB, GM fakulteti 1 kurs Xor jamoasi talaba yoshlari bilan universitet psixologi va xormeysteri M.K.Muhammedova tomonidan talabalar o'rtasida do'stlik, hamjihatlik, mehr-oqibat kabi insoniylik xususiyatlarini yuksaltirish va talabalar qalbida hunar o'rganishga bo'lgan munosabatni kuchaytirish maqsadida “Yangi qirralarimizni kashf etamiz” mavzusida tadbir tashkil etildi. Tadbirda inson uchun kasbidan tashqari ko'pgina hunarlarni egallash, kelajak hayotda qo'l kelishi haqida qiziqarli suhbat uyushtirildi. Hattoki Alloh tomonidan elchi qilib yuborilgan payg'ambarlar ham hunarli bo'lishgani, hunardan inson rizqi unishi va jamiyatda hunarli inson o'z qadr qimmatiga ega bo'lishi haqida so'z yuritildi. Tadbir davomida “Sanam” o'quv markazida qandolatchilik kursida tahsil olishni boshlagan qizlarimizning oshpazlik san'atini namoyish etishlari uchun sharoit yaratib berildi. Talaba qizlar hamjihatlikda harakat qilishib o'z mahoratlarini ko'rsatib berishdi. Tadbirni tashkillashtirishda GTQ fakulteti yoshlar bilan ishlash bo'yicha dekan muovini A. Azimov, fakultet tyutorlari: D.Xursandova, A.Haydarov va 1-TTJ tarbiyachi-pedagogi M.Asrorovalar faol ishtirok etishdi. O'tkazilgan tadbir barcha yig'ilish ishtirokchilari qalbida zavq shavq uyg'otgan holda, ko'tarinki ruhda o'z yakuniga yetdi.

Universitet psixologi M.K. Muhammedova axboroti

“TIQXMMI” MTU matbuot xizmati