Joriy yilning 26 sentabr kuni “Toshkent irrigatsiya va qishloq xo'jaligini mexanizatsiyalash muhandislari instituti” Milliy tadqiqot universiteti psixologi M.K.Muhammedova va Gidrotexnika qurilishi fakulteti tyutori X.Saidovalar  tomonidan Gidrotexnika qurilishi fakulteti 1- kurs talaba yoshlari bilan “Inson ichki olamiga nazar” mavzusida tadbir tashkil etildi. Tadbir oliy ta'lim muassasasiga qabul qilingan  talabalarga  oliy ta'lim muassasasi psixologining ijtimoiy-psixologik faoliyati va psixologik xizmat turlari haqida ma'lumot berish, oliy ta'lim muassasasiga qabul qilingan 1-bosqich talabalari bilan yaqindan tanishish maqsadida tashkil etildi. Talaba yoshlarga universitet psixologining universitetda tutgan o'rni va vazifalari to'g'risida, psixologik konsultatsiya olib borish yo'l-yo'riqlari va individual olib borilgan suhbatlar sir saqlanishi haqida to'liq ma'lumotlar berib o'tildi. Yig'ilish savol va javoblarga boy tarzda kechdi.Tadbirda barcha talabalar faol qatnashishdi.

Universitet psixologi M.K. Muhammedova axboroti

“TIQXMMI” MTU matbuot xizmati