Barchamiz uchun taniqli va sevimli boʻlgan Adiblar xiyoboni Toshkent shahridagi mutlaqo noyob maskanlardan biri hisoblanadi. Ushbu xiyobon 2017- yildan buyon, yana bir muhim maskaniga aylangan va oʻzbek adiblariga bagʻishlangan yagona ansambldan tashkil topgan. Ularning kompozitsiyasiga Hamid Olimjon, Gʻafur Gʻulom, Zulfiya, Abdulla Qahhor, Oybek, Said Ahmad yodgorlik manomentlari talaba-yoshlar oʻrtasida vatanga boʻlgan muhabbatini oshirmoqda. Ushbu yodgorliklar orasida Oʻzbekiston qahramoni, Oʻzbekiston Respublikasi davlat madhiyasi muallifi, Qashqadaryo elining faxrli oʻgʻloni, jamoat arbobi, xalq shoiri Abdulla Oripov yodgorlik haykali mujassamdir. QXM fakulteti tyutorlari J.Saʼdullayev, N.Karimov hamda sheʼriyatga oshno 1-kurs faol talabalari bilan  Adiblar xiyobonida Abdulla Oripov xotirasiga bagʻishlangan “INSON AZIZ XOTIRASI MUQADDAS” mavzusida maʼnaviy maʼrifiy tadbir oʻtkazildi. Ushbu tadbir qatnashchilari shoir hamda talaba-yoshlar qalamiga mansub ijoddan bahramand boʻlishdi. Adibga hurmat bajo keltirilib, poyiga gullar qoʻyishdi. Bu esa talaba-yoshlar qalbiga, shoirning ijodiy  hayoti bilan yaqindan tanishishga yordam berdi desak mubolagʻa boʻlmas. Bu oʻz navbatida, talaba-yoshlarning maʼnaviy hayotiga daxldor boʻlish, buyuk shoirimizning sheʼriy toʻplamlarini oʻrganish, mamlakatimizda faol rivojlanib borayotgan  maʼnaviy hayotdan bahramand boʻlish uchun ajoyib imkoniyatdir.

QXM fakulteti tyutorlari J.Saʼdullayev, N.Karimov axboroti

Universitet matbuot xizmati