O‘zbekiston xotin-qizlar “Olima” uyushmasi tomonidan yurtimizda faoliyat olib boruvchi iqtidorli, ilmga chanqoq, fidoyi xotin-qizlarning ilmiy izlanishlarini qo‘llab-quvvatlash va rag‘batlantirish maqsadida fan nomzodi unvoniga ega, katta ilmiy xodim-izlanuvchi, mustaqil tadqiqotchi sifatida ilmiy izlanish olib borayotgan xotin-qizlar o‘rtasida intellektual baxs tashkil etildi.

Tanlovda 22 yoshdan 30 yoshgacha gumanitar, tabiiy va aniq fanlar sohasida ilmiy izlanish olib borayotgan xotin-qizlar ishtirok etishdi.

Tanlovda ishtirokchilar 3 ta shart bo‘yicha o‘zaro bellashishdi. Bellashuv so‘ngida quyidagi nominatsiyalar bo‘yicha g‘oliblar aniqlandi:

-“Eng innovatsion g‘oya sohibasi”;

-“Eng mohir ilm sohibasi”;

-“Eng zukko va topqir ishtirokchi”;

-“Eng mohir milliy qadriyatlar targ‘ibotchisi”;

-“Tomoshabin e’tiboriga sazovor ishtirokchi”.

Ko‘rik-tanlovda Qishloq xo‘jaligini mexanizatsiyalash fakulteti magistranti Yigitalieva Ruxshona xam ishtirok etib “Eng zukko va topqir ishtirokchi” nominatsiyasida g‘oliblikni qo‘lga kiritdi. Turli nominatsiyalarda taqdirlash uchun homiylar tomonidan esdalik sovg‘alari va diplomlar topshirildi.

TIQXMMI  matbuot xizmati