Joriy yilning 1-3 iyun kunlari Slovakiyaning Banska Shtyavnitsa shahrida “Nitra shahridagi Slovakiya qishloq xoʼjaligi universiteti” hamda “Esprit” loyiha tashkiloti hamkorligida “Science of Youth 2022” mavzusida xalqaro konferensiya boʼlib oʼtdi.

Ushbu konferensiyada “Gidravlika va gidroinformatika” kafedrasi assistenti Аtakulov Dinislom Yermaganbet o’g’li oʼz maʼruzasi bilan faol ishtirok etdi.

Konferensiya davomida dunyoning turli davlatlaridan kelgan yosh olimlar uchun bilimini boyitish, amaliy tajriba hosil qilish hamda shahar tarixiy maskanlarini sayohat qilish maqsadida ekskursiya tashkil etildi. Ekskursiya davomida yosh olimlar o’rtasida o’zaro bilim almashish va aloqalarni mustahkamlash uchun juda keng sharoitlar yaratildi.

Hozirgi kunda Аtakulov Dinislom Yermaganbet oʼgʼli Yevropa Ittifoqining “Erasmus + Key Action 1 (KA1)” dasturi doirasida “Toshkent irrigatsiya va qishloq xoʼjaligini mexanizatsiyalashtirish muhandislari instituti” MTU hamda “Nitra shahridagi Slovakiya qishloq xoʼjaligi universiteti” hamkorligida tashkil etilgan qisqa muddatli malaka oshirish va oʼquv kurslarida ishtirok etmoqda.

Universitet matbuot xizmati