Gidromeliorativ ishlarni mexanizatsiyalash fakulteti 4-bosqich talabalarining  kalendar reja asosidagi laboratoriya mashg`ulotlari ishlab chiqarish zavodlarida davom etmoqda. Mashg`ulotlar “SUVMASH” AJ, “O`ZMAXSUSSUVQURILISH” MCHJ va “Amkador-AGROTEXMASH” MCHJ ishlab chiqarish zavodlarida, zavod xodimlari va fakultet professor-o`qituvchilari hamkorligida olib borilmoqda. Bu mashg`ulotlar talabalarning bilim va ko`nikmalarini yanada mustahkamlashga xizmat qilmoqda. Talabalarning sohaga qiziqishi, intiluvchanligi va mavjud bilimlarini bevosita ko`rib, kuzatib turgan zavod xodimlari bitiruvchi talabalarni hozirni o`zidayoq ishga olishga tayyor ekanliklarini va institutni tamomlaganlaridan so`ng ulardan yaxshi mutaxassis kadrlar yetishib chiqishiga ishonch bildirishdi.

TIQXMMI Milliy tadqiqot universiteti matbuot xizmati