Milliy tadqiqot universiteti  "Gidromelioratsiya" fakultetida ham 1- kurslar uchun “Birinch kurs maktabi” haftaligi davomida rejalashtirilgan bir qancha tadbirlar tashkil etilmoqda.

 Jumladan,  2022 - yil 8 - sentabrda "Gidromelioratsiya" fakulteti tyutorlari:      O‘. Usmonov,  D. Axrarova,  G. Axmedjanova va Z.Tursunovalar  rahbarligida     1-kurs talabalari bilan birgalikda Ilm ziyosining maskani hisoblanmish "Alisher Navoiy nomidagi Milliy kutubxona" ga tashrif  buyurib, kutubxona shart-sharoitlari va kitoblar olami bilan yaqindan tanishdilar.

 Shu bilan birgalikda 10 nafar talaba kutubxona a'zoligiga qabul qilindi. Kitoblar olamiga qilingan bugungi sayohat talabalar uchun qiziqarli va mazmunli bo'lib o‘tdi.

Shu kuni yana bir tadbir fakultetning 1-kurs talaba qizlari bilan fakultet dekan muovini B.B.Tuychiyev hamda tyutorlar ishtirokida  "Odob-axloq" kodeksi asosida universitetda belgilangan ichki qoidalar bilan tanishtirish yuzasidan tadbir  bo'lib o‘tdi.

Tadbirda "Odob-axloq" kodeksining 11-moddasiga alohida e'tibor qaratilib, talaba qizlarning milliy qadriyatlar ruhida tarbiyalash,  universitetda  kiyinish madaniyati haqida tushunchalar berildi.

  Universitet matbuot xizmati