Hukumatning tegishli qarori (816-son, 27.09.2019 y.) bilan har yil oktyabr oyining birinchi haftasida “Keksalar haftaligi” oʼtkaziladi. Oʼzbekiston Respublikasi Vazirlar Mahkamasining 2022 - yil 26-sentabrdagi tegishli bayoniga asosan, joriy yilning 3-9-oktabr kunlari “Keksalarni eʼzozlash, ularga hurmat-ehtirom koʼrsatish — xalqimizga xos ezgu fazilat” gʼoyasi ostida mamlakatimiz bо’ylab “Keksalar haftaligi” keng tarzda nishonlanmoqda. Biz ham mahalladagi nuroniylar holidan xabar olishni niyat qildik va Mirzo Ulugʼbek tumanida joylashgan "Feruza" mahallasiga yoʼl oldik. Mahalla raisi Turniyazov Qahramon Fayzullayevich boshchiligidagi jamoa bizni juda yaxshi kutib oldi va yoshi ulugʼ ayollar uchun tashkil qilingan bayram dasturxoniga taklif qilishdi. Fursatdan foydalanib biz "QSXET" fakulteti tyutorlari D.Xudaynazarova, Z.Nuraliyevalar yaxshi tilaklarimizni bildirdik. Oltinga teng duolar olib qaytdik, talabalarimiz ham juda xursand boʼlishdi.

"QSXET" fakulteti tyutorlari axboroti

Universitet matbuot xizmati