Universitetimizning “Elektrotexnika va mexatronika” kafedrasining kengaytirilgan yig‘ilishida shu kafedraning mustaqil tadqiqotchisi Cho‘lliev Ya’qubjon Ergashovichning 05.01.06 – “Hisoblash texnikasi va boshqaruv tizimlarining elementlari va qurilmalari” ixtisosligi bo‘yicha tayyorlangan “Nasos stansiyalari boshqaruv tizimlari uchun kavitatsiyani o‘lchash va nazorat qilishning intellektual datchigi” mavzusidagi dissertatsiya ishi muhokamasi bo‘lib o‘tdi.

          Dissertatsiya ishi muhokamasida tajribali professor-o‘qituvchilar qatnashib uning dolzarbligi, tadqiqot ishining maqsad va vazifalari mavjud muammolardan kelib chiqqan holda shakllantirilganligini keltirib o‘tishdi. Majlis qatnashchilari chuqur muhokama va takliflardan keyin bir ovoz bilan dissertatsiya ishini keyingi bosqichga o‘tkazish taklifini berdi. Shuning bilan birga Cho‘lliev Ya’qubjonga kelgusi ishlarida ham muvaffaqiyat tilab qoldilar.

            Universitet matbuot xizmati