2023-yil 2-fevral kuni John Deere kompaniyasi bilan o‘rnatilgan xamkorlik memodandumi doirasida John Deere kompaniyasi vakillari MDX davlatlari bo‘yicha direktori Aleksey Lyubetskiy, O’zbekistondagi vakolatxonasi direktori Sardor Salixovich Sodikov va direktor o‘rinbosari Botir Israilovlar universitetga tashrif buyurishdi.

Uchrashuvda universitet rektori Mirzayev Baxodir Suyunovich John Deere kompaniyasi vakillari bilan birgalikda o‘tkazilgan suhbat natijalari bo‘yicha  kelajakda xamkorlikni yanada rivojlantirish maqsadida;

1. John Deere kompaniyasi texnikalarining O’zbekistondagi foydalanish imkoniyatlarini kengaytirish, ulardan foydalanish samaradorligini oshirish bo‘yicha Deere & Company + “TIQXMMI” MTU hamkorlik loyihasini amalga oshirish;

2. Universitetimizda qishloq xo‘jaligini mexanizatsiyalash bo‘yicha muhandis-kadrlar tayyorlashda xorijdan talabalarni jalb etish imkoniyatlarini kengaytirish hamda halqaro mehnat bozoriga va jahon standartlariga javob beradigan kadrlar tayyorlashni yo‘lga qo‘yishda  amaliy  hamkorlik qilish;

3. Universitetimiz bazasida Kompaniyaning O’rta Osiyo bo‘yicha xududiy o‘quv markazi “Akademiyasi”ni tashkil etib, John Deere kompaniyasi mutaxassislari ishtirokida ishlab chiqarishdagi mutaxasislar, o‘qituvchilarimizning davriy ravishda malakalarini oshirib borish;

4. Xozirgi vaqtda mamlakatimiz qishloq xo‘jaligida John Deere kompaniyasi texnikalari keng ravishda qo‘llanib kelinayotganligi inobatga olib xamda bu texnikalardan foydalanishda biz chiqarayotgan kadrlar ishlayotganligini sababli o‘quv materiallari va vositalari bilan ta’minlanishida xamkorlikni doimiy ravishda amalga oshirib borish;

5. Universitet mutaxassis kadrlarining John Deere kompaniyasining yetakchi zavodlari va konstruktorlik markazlarida stajirovka o‘tash kabi masalalar bo‘yicha kelishuvlar amalga oshirildi.

Uchrashuv doirasida universitet raxbariyati va kompaniya vakillari esdalik sovg‘alari bilan almashinildi.