TIQXMMI Qarshi filiali va “Chirchiqselmash” MCHJ hamkorligida talabalarga yangi qishloq xo‘jaligi texnikalari filial talabalariga nazariy darslarda olingan bilimlarni mustahkamlash, amaliy darslar va laboratoriya mashg‘ulotlari tashkil etilishida foydalanish uchun keltirildi. Bunda “Chirchiqselmash” MCHJ dan PL-4,5 lazerli tekislagich, chuqur yumshatgich, Kverland 3+1 150B aylanma omoch, UNIA3+1 aylanma omoch, MD3+1 aylanma omoch, Kverland BE100 5 korpusli omoch, Italiya texnologiyasi asosida ishlab chiqarilgan ALPEGO o‘t o‘rish agregati, Diskli koselka kabi 8 dona zamonaviy qishloq xo‘jaligi agregatlari tuzilishi ishlash prinsiplari ekspluatatsiya yo‘riqnomalari afzalliklari va qishloq xo‘jaligidagi ahamiyati to‘g‘risida filial professor-o‘qituvchilari H.Rovshanov, D.Baratov, O.Eshmanov, D.Choriyevalar Qishloq xo‘jaligini mexanizatsiyalash ta’lim yo‘nalishi talabalari va magistrantlariga ochiq amaliy darslar tashkil etishdi.

Amaliy darslar davomida talabalar o‘zlarini qiziqtirgan savollarga javob olishdi, nazariy bilimlarini yanada mustahkamlashdi  va texnikalarni amalda ishlatish ko‘nikma va malakalariga ega bo‘lishdi. Umumtexnik fanlar kafedrasi o‘qituvchilari H.Rovshanov va D.Baratovlar TIQXMMI Qarshi filiali va “Chirchiqselmash” MCHJ hamkorligidagi ishlar davom ettirilishi va bo‘lajak mutaxassislarga o‘z sohasining yuksak bilimli yetuk kadrlari bo‘lib yetishishlarida zamonaviy qishloq xo‘jaligi texnikalari o‘quv laboratoriyasini tashkil etish rejalashtirilganligini bu kabi darslar va qishloq xo‘jaligi texnikalarining keltirilishi ilk qadamlar ekanligini ta’kidlab o‘tdi.

Filial Matbuot xizmati Farrux Najimov axborot

TIQXMMI matbuot xizmati