“Xalqaro bolalarni himoya qilish kuni’ munosabati bilan bugun, ya’ni 2022-yilning 1-iyun kunida universitetimizning professor-o’qituvchilari, xodimlarining aziz farzandlari uchun tashkil etilgan bayram dasturi barchaga birdek manzur bo’ldi.

Beg’ubor bolajonlarimizning quvnoq raqslari, shod-xurramliklari kishiga ajoyib kayfiyat ulashdi. Ayniqsa, bolajonlarga, qo’yingki, kattalarga ham juda yaxshi tanish bo’lgan “Madagaskar” multfilmi qahramonlarining sahnada paydo bo’lishi, jajji o’g’il-qizlar bilan birgalikda raqs tushishi o’zgacha xursandchilik ulashdi. Mahoratli aktyor, ko’plab o’zbek filmlardagi ijrosi orqali barchaga tanish bo’lgan Asqar Hikmatov esa davraga alohida quvonchli lahzalar ulashdi.

Qisqa qilib aytganda  hazilga boy, sarguzashtli o’tgan bayram tadbiridan hamma xursand ekanligi yuzlardagi tabassumlarda aks etib turdi. Bu singari shou bayram dasturlari bardavom bo’lishini alohida ta’kidlashdi ota-onalar jamoasi va albatta, biz ham bu yaxshi takliflar tarafdorimiz.

      Universitet matbuot xizmati