Joriy yilning 13 fevral kuni “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universiteti “Gidrotexnika qurilishi” fakulteti dekan o‘rinbosari A.Azimov va tyutori D.Xursandovalar birgalikda fakultetda tahsil olayotgan bir guruh iqtidorli talabalar bilan “Adiblar xiyoboni”ga tashrif etishdi va “Buyuk Boburiylar sulolasi” asoschisi Zahiriddin Muhammad Bobur haykali poyiga gullar qo‘yishdi va tadbir o‘tkazishdi.

Tadbirda talabalar shoir, adib, olim, sarkarda, yirik davlat arbobi, Z.M. Bobur ijodidan bizga qoldirgan ma’naviy merosidan bahramand bo‘lishib, uning yozgan g‘azal va ruboiylaridan namunalar o‘qishib, shoirni yod etishdi.

GTQ fakulteti dekan o‘rinbosari A.I.Azimov va tyutor D.S.Xursandovalar axboroti

Universitet matbuot xizmati