Joriy yilning 23-iyun kuni  soat 18.00 ga "TIQXMMI" Milliy tadqiqot universiteti rektorat binosining kirish qismida yana bir bitiruvchilarga diplom berish marosimi bo`lib o`tdi. Ushbu tadbirda rektorat a’zolari, “Yer resurslarini boshqarish” va “Gidromeliorativ ishlarni mexanizatsiyalash” fakultetlari  jamoasi, professor-o’qituvchilar, talabalar va ularning ota - onalari ishtirok etishdi.

Tadbirda esa bitiruvchilar maxsus libosda terilib kirib kelishdi. Fakultet dekanlari, prorektorlar, hatto rektorda ham maxsus tikilgan libos – mantiya, bu ularning egnida “Bitiruvchi-2022” tadbiriga o’zgacha ruh, o’zgacha shukuh bilan ko’ngilga quvonch bag’ishlab, barcha tashrif buyurgan ota-onalarga g`urur  bag`shlab turibdi. Tadbirda eng avvalo, sobiq va sodiq rektorimiz, professor Umurzakov O’ktam Pardayevich xotirasiga bag’ishlangan videorolik namoyish etildi. So`ng bitiruvchilarni tabriklash uchun sahna markaziga mamnuniyat bilan universitet rektori, professor Mirzayev Baxodir Suyunovich taklif etildi.

 Muhtaram rektorimiz bitiruvchilarga qarata sizlar Milliy tadqiqot universitetining birinchi bitiruvchilari, qaldirg’ochlarisiz. Bu ham sizni juda katta omadingi va baxtingizdir. So’ngra “YERB” va “GIM” fakultetlarining bitiruvchilariga tantanali ravishda diplom topshirish marosimi boshlandi. Bitiruvchilar mutaxassislik diplomlarini universitet rektori Mirzayev Bahodir Suyunovichning qo’llaridan olarkan, o’zlarida faxr va g’ururni sezishdi. Tadbirda ish beruvch tashkilot “O`rmon loyiha ilmiy tadqiqot institut kartografiya bo`limini”ning boshlig`i Sh.Imomnazarov ham ishtirok etib, so`zga chiqdi. Ular bitiruvchilarga  mustaqil hayot yo`llariga omadlar tilab, o`z kasblarini yetuk mutaxassisi bo`lishlari to`g`risida samimiy tilaklar bildirib o`tdi. Diplom topshirish marosimi tugagandan so’ng bitiruvchilarga o’z tilaklarini bildirish uchun universitetimiz ustozlaridan “Gidromeliorativ ishlarni mexanizatsiyalash” kafedrasi  professori akademik Yo`ldoshov Shukrullo Ubaydullyevich va boshqa nufuzli insonlar so’zga chiqishdi.

Iqtidorli bitiruvchi talabalar nomidan esa A.Qurolov 4 yil mobaynida ta`lim bergan ustozlariga minnatdorlik ohangida o’zining samimiy istaklarini bildirdi.

Keyin esa badiiy qism, konsert dasturi boshlandi.  Bitiruvchi yosh mutaxassislarga kelgusi ishlarida ulkan muvaffaqqiyat va omadlar tilab, jamiyatimizga foydasi tegadigan, kuchli kadr bo’lishlariga ishonch bildirildi.

Universitet matbuot xizmati