TIQXMMI Qarshi filialining talabalar turar joyidagi tadbirni QXM fakulteti dekani U.Qodirov, Matematika va tabiiy fanlar o‘qituvchisi Sh.Murodov va filial matbuot xizmati rahbari F.Najimovlar ochib berishdi.Ushbu tadbir talaba-yoshlarning bo‘sh vaqtini mazmunli tashkil etish maqsadida “Bir haftada - bir kitob” loyihasi doirasida bo‘lib o‘tdi. Loyiha muallifi 3-bosqich A.Oripov nomidagi stipendiya sovrindori X.Shirinboyev loyiha shartlari bilan tanishtirib o‘tdi. Birinchi shartda, talabalar o‘zlarining o‘qigan kitoblarini mutolaa qilib berdilar.

Talabalar bu shartda o‘zaro fikr almashishdi. Ikkinchi shartda, O‘tkir Hoshimovning “Ikki eshik orasida” asari bo‘yicha professor-o‘qituvchilar tomonidan talabalarga savollar berildi. Tadbir davomida bevosita ta’lim sifatini nazorat qilish bo‘limi boshlig‘i  t.f.d. professor O.Pirimov o‘z fikrlari va ijodlaridan namuna keltirdilar. Tadbir davomida havaskor 2-bosqich talabasi T.Xolbo‘tayev qo‘shiqlari bilan talabalarga kayfiyat ulashdi. Ushbu tadbirda faol ishtirok etgan talabalarga professor-o‘qituvchilar tomonidan qimmatbaho sovg‘alar topshirildi.

Matbuot kotibi Farrux Najimov axboroti

TIQXMMI matbuot xizmati