Bayroq har bir davlatning muqaddas ramzlaridan biri, xalqning g‘urur va iftixoridir. 18-noyabr - davlatimiz bayrog‘i qabul qilingan kun yurtimizning barcha go‘shalarida keng nishonlandi. Toshkent irrigatsiya va qishloq xo‘jaligini mexanizatsiyalash muhandislari instituti Qarshi filialida ham davlatimiz bayrog‘i qabul qilinganligining 30 yilligi munosabati bilan “Bayrog‘imiz – faxrimiz” mavzusida tadbir bo‘lib o‘tdi.

Tadbirni TIQXMMI Qarshi filiali o‘quv ishlar bo‘yicha direktor o‘rinbosari D.Quvvatov kirish so‘zi bilan ochdi. Shundan so‘ng, gumanitar fanlar kafedrasi dotsenti J. Shonazarov so‘zga chiqib, xalqimizning boy davlatchilik tarixi, davlat ramzlari, ayniqsa, davlat bayrog‘ining yosh avlodni vatanparvarlik ruhida, komil insonlar etib tarbiyalashdagi ahamiyati xususida to‘xtalib o‘tdi. Shuningdek, davlat bayrog‘ining qayerlarda joylashtirilishi, uni ehtiyotlash va unga hurmat bilan munosabatda bo‘lish haqida ham fikr-mulohazalar bildirdi. Tadbirda Vatanni, erk va mustaqillikni tarannum etuvchi kuy-qo‘shiqlar yangradi.

Filial Matbuot xizmati Farrux Najimov axboroti

TIQXMMI matbuot xizmati