Oilani ham, jamiyatimizni ham birlashtirib, unga fayz-u barokat kiritadigan xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida, moʼtabar onalarimiz, munis opa-singillarimizdir. Shu sababli ham 8-martni aynan ayollarimiz kuni yaʼni Xalqaro xotin-qizlar kuni deb, keng nishonlaymiz.  Ushbu bayram bugungi kunda yurtimizda keng nishonlanmoqda. Bugun “Yer resurslarini boshqarish” fakulteti talaba-qizlarga ham bayram munosabati bilan unversitetimiz rektori hurmatli professor, B.Mirzaev tomonidan yoʼllangan bayram tabrigi oʼz egalariga topshirildi. Chindan ham qizlarimizning oila- jamiyatda tutgan oʼrni beqiyos.

Oqila goʼzal ayollar oʼzlarining gʼamxoʼrligi, mehribonligi, qalbi daryoligi bilan oiladagi, qolaversa, butun jamiyatdagi muvozanatni, poklik, halollik, samimiyat va adolat muhitini saqlab turadilar. Ulugʼ donishmandlar Vatanga eng munosib taʼrif izlaganda, uni Ona siymosiga qiyos etganlarida katta maʼno bor. Dunyoda «muqaddas» degan soʼzga eng munosib zot ham – Onadir. Darhaqiqat, Onani qizlarni eʼzozlash– bizning millatimiz, xalqimiz uchun oliy qadriyat darajasiga koʼtarilgan fazilat. Chunki ayollarni qancha ulugʼlasak, hayotimizning chirogʼi, umrimizning guli deb eʼzozlasak, demakki, oilamizni, Vatanimizni eʼzozlagan boʼlamiz. Yana bir bor barcha qizlarimizni bayramlari bilan tabriklaymiz.

  YeRB fakulteti Yoshlar bilan ishlash boʼyicha dekan muovini H. Eshova axboroti

Universitet matbuot xizmati