AQShning Pensilvaniya Shtati Universiteti (PSU) bilan hamkorlikda onlayn ta’lim boshlandi.  PSU va “TIQXMMI” MTUning professor-o‘qituvchilari ikki universiteti uchun bir xil fan dasturi va tarkibini ishlab chiqishdi. Ikki universitet magistrantlari ushbu GAT darsni bir vaqtda boshlab, birgalik o‘zlashtirishadi. Loyihaga ko‘ra ushbu dars 6 hafta davom etadi va EDGE (Experiantial Digital Global Engagement) platformasi orqali sinxron tarzda olib boriladi hamda magistrantlar o‘zaro fikr - mulohaza almashish imkoniyatiga ega bo‘ladi.

       Shuningdek, magistrantlar guruhlarga bo‘lingan holda o‘z ilmiy yechimlarini asoslashlari va o‘rtoqlashishlari kutilmoqda. Ushbu loyiha doirasida Qozog‘iston milliy agrar tadqiqot universiteti professor-o‘qituvchilari va magistrantlari ham ishtirok etishmoqda.

      Ushbu jarayon ikki universitet ta’lim tizimini muvofiqlashtirish ko‘zda tutilgan va Amerika konsulligi tomonidan moliyalashtirilgan UniCEN loyihasi doirasida amalga oshirilmoqda. Loyiha rahbari Xalqaro hamkorlik bo‘limi boshlig‘i Sh.Raxmonov va "Geodeziya va Geoinformatika" kafedrasi dotsenti I.Aslanov muvofiqlashtirib kelmoqda. AQSh PSU tomondan Nikki Metson va prof. Mishel Zeyders ushbu kursni tizimlashtirib kelmoqda.

             Universitet matbuot xizmati