2024 yil 24-may kuni “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqot universitetining “Energetika” fakultetini 1984 –yil ya’ni  bundan 40-yil oldin bitirgan  kursdoshlar uchrashuvi bo‘lib o‘tdi. Bitiruvchilar uchrashuvi tasdiqlangan reja asosida tashkil etildi. 

Uchrashuv soat 9:00 dan kutib olish hamda ro‘yhatga olish bilan boshlandi.  Kutib olingan sobiq bitiruvchilarni universitet tarixi muzeyi bilan tanishtirildi. Shundan so‘ng mehmonlar zamonaviy ta’mirlangan va jihozlangan “Axborot resurs markazi” bilan yaqindan tanishtirildi. “Axborot resurs markazi” orqali 2-qavatga ko‘tarilib O‘zbekiston qahramoni va xalq shoiri Abdulla Oripov muzeyi bilan tanishib, asosiy tadbirga ishtirok etish uchun rektorat majlislar zaliga kirishdi.

Tadbirga kelgan mehmonlarni universitet Yoshlar masalalari va ma’naviy ma’rifiy ishlar bo‘yicha prorektor Ro‘zimurat Choriyev tabrik va dil so‘zlari bilan ochib berdi. “Energetika” fakulteti dekani texnika fanlari doktori professor  Abdusaid Isakov universitetda va fakultetda qilinayotgan ishlar haqida ma’lumot berdi.

Sobiq talabalarni o‘qitgan texnika fanlari doktori professor Mahmud Mamedshaxov tadbir ishtirokchilarini tabrikladi. Sobiq bitiruvchlar o‘zlari bilan olib kelgan esdalik sovg’alarni universitet muzeyiga topshirishdi. Tadbir so‘ngida sobiq bitiruvchilarga fakultet o‘quv xonalari va zamonaviy lobaratoriyalar bilan yaqindan tanishtirildi. Shundan so‘ng rektorat binosini oldida estalik uchun rasmga tushishdi.

“Energetika” fakulteti dekan o‘rinbosari I. Buxorov ma’lumoti 

Universitet matbuot xizmati